Mir sind es Schwiizer Rächtsdienstleischtigsunternehme, wo Fluggäscht bi ihre Rächt hilft. Vili Passagier verzelled üs, dass d’Fluggsellschafte ihne kei Us­g­liich­szah­lunge welle leischte. Entweder werded sie mit Usrede hiighalte oder es wird ihne gar nöd gantwortet. Mir wänd dä Missstand bzw. das Ungliichgwicht zwüsche Passagier und Airline ufhebe.

Erschtens bieted mir Ihne defür es Anspruchs­prüefigs­tool, wo feststellt, ob e Flugunregelmässigkeit in de gsetzliche Awendigsberiich vo de EU-Fluggastrechteverordnig fallt. Wenn en Fall anspruchsberechtigt isch, denn prüefed üsi Jurischte diä jewiilige konkrete Hintergründ, bevor sie sich a di betreffendi Fluggsellschaft wände. Je nach de konkrete Gegebenheite wird versuecht, d’Asprüch ussergrichtlich oder grichtlich geltend z’mache. Bi Erfolg blibed zwüsche 30% und 40% (inkl. MwSt.) vom erzielte Betrag bi üs, de Rest wird a Sie uszahlt. Händ mir kei Erfolg, so choschtet Sie eusi Bemüehige nüt – s’Koschterisiko traged also mir. Sölled Sie über en schwiizerischi Rächts­schutz­versicherig verfüge, so übernimmt die diä obengenanti Provision und Ihne würded im Erfolgsfall gar 100% vo de erzielte Summe uszahlt (entsprächendi Versicherigsdeckig vorusgsetzt).

Zum andere setzed mir üs für d’Stärkig vo de Konsumenterächt im Flugverkehr ii. S’ cancelled.ch-Team eruiert laufend, wo schwiizerischi Flugpassagier über en nöd usriichende Schutz verfüged oder sich mit Missständ konfrontiert gsehnd. D’Erkenntnis us däm veröffentliched mir regelmässig über regionali und nationali Ziitige sowiä Radiosender. Mir sind überzügt, dass üsi Ufklärigsarbet de Druck uf d’Akteure im Fluggschäft verstärkt und dass d’Konsumente durch meh Wüsse ungwünschte Situatione besser uswiiche chönd. Wiiter übermittled mir üses Knowhow und üsi Erkenntnis, zämme mit konkrete Verbesserigsvorschläg, a Nationalrät vo verschidene Parteie. Demit wänd mir au s’Bewusstsii für Konsumenteanliege im Fluggaschtrecht im Parlament fördere und künftigi Verbesserige vo de Passagierrächt begünschtige.

Kontakt

cancelled.ch
Anemis GmbH
Maihölzli 6
6331 Hünenberg
Email: kontakt∂cancelled.ch
UID: CHE-207.516.926

Kontakt für d’Medie

Für Uskönft zum Fluggasträcht döffed eus Journalischte unter dere Adresse kontaktiere:
Email: presse∂cancelled.ch

Kontaktformular